परीक्षेपूर्वीच बारावीचे २ पेपर फुटले, फिजिक्स आणि केमिस्ट्रीचा पेपर व्हॉट्स अॅपवर
नागपूर : खरा पंचनामा
नागपुरमध्ये बारावीच्या दोन विषयांचे पेपर फुटल्याची घटना समोर आली. बारावीच्या विज्ञान शाखेचे फिजिक्स आणि केमिस्ट्रीचा पेपर परीक्षेच्या तासाभरापूर्वीच व्हॉट्सअॅपवर आल्याची माहिती समोर आली आहे. नागपूरच्या सदर पोलिस ठाण्यात या प्रकरणी गुन्हा दाखल करण्यात आला आहे.
व्हॉट्सअॅप ग्रुप तयार करून हा सगळा पेपर फोडण्याचा प्रकार सुरू असल्याची माहिती पोलिसांना मिळाली होती. या माहितीच्या आधारे पोलिसांनी ही कारवाई केली. गुरुवारी बारावी केमिस्ट्रीचा पेपर होता. मात्र परीक्षा आधी पेपर विद्यार्थ्यांच्या व्हॉट्सअॅप ग्रुपवर आला होता. सदर परिसरातील सेंट उर्सुला परीक्षा केंद्रावर हे प्रकरण उघडकीस आला होता.
सेंट उर्सुला परीक्षा केंद्रावर एक विद्यार्थिनी वारंवार प्रसाधनगृहात जात होती त्यामुळे केंद्रावरील प्रेक्षकांना संशय आला. तिची शिक्षिकेच्या माध्यमातून झडती घेण्यात आल्यावर एक स्मार्टफोन जप्त करण्यात आला. तो तपासला असता त्यामध्ये एका व्हॉट्सअॅप ग्रुपवर परीक्षा सुरू होण्यापूर्वी पेपर आलेला असल्याचे दिसून आले.
केंद्रप्रमुखांनी सदर पोलिसांना माहिती दिल्यावर पोलिसांनी तपास करून या प्रकरणी गुन्हा दाखल केला. मोबाईलमध्ये व्हॉट्सअॅपवर १५ विद्यार्थ्यांचा एक ग्रुप तयार करण्यात आल्याचे आढळून आले आहे. दोन्ही विद्यार्थनीची चौकशी केली असता खासगी शिकवणी वर्गातील एका शिक्षकाने पैसे घेऊन पेपर फोडल्याची माहिती त्यांनी दिली. तर अन्य १३ विद्यार्थी शहरातील वेगवेगळ्या परीक्षा केंद्रावर पेपर सोडवत होते. पोलिस या प्रकरणाचा अधिक तपास करत आहेत.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
