निवडणूक निकालामध्ये मोठा उलटफेर, केरळसोबतच आता काँग्रेस याही राज्यात सत्तेत येणार?

निवडणूक निकालामध्ये मोठा उलटफेर, केरळसोबतच आता काँग्रेस याही राज्यात सत्तेत येणार?

चेन्नई : खरा पंचनामा 

पाच राज्याच्या विधानसभा निवडणुकांचे निकाल हाती येत आहेत. या विधानसभा निवडणुकांमध्ये भाजपला मोठं यश मिळालं आहे. पश्चिम बंगाल, आसाम आणि पुडुचेरीमध्ये भाजपची वाटचाल स्पष्ट बहुमताच्या दिशेनं सुरू झाली आहे.

पश्चिम बंगालमध्ये ममता बॅनर्जी यांच्या तृणमूल काँग्रेसला मोठा धक्का बसला आहे. तर आसमामध्ये पुन्हा एकदा आपली सत्ता कायम ठेवण्यात भाजपनं यश मिळवलं आहे. मात्र दुसरीकडे तामिळनाडूनमध्ये मोठा उलटफेर पहायला मिळत आहे. थलपती विजय यांच्या टीव्हीके पक्षाने डीएमके आणि एडिएमके यांना मोठा धक्का दिला आहे. आतापर्यंत हाती आलेल्या निकालानुसार थलपती विजय यांचा पक्ष तामिळनाडूमध्ये 110 जागांवर आघाडीवर आहे. मात्र तरी देखील अजूनही स्पष्ट बहुमत मिळालेलं नाहीये.

याचदरम्यान आता एक मोठी बातमी समोर आली आहे, ती म्हणजे थलपती विजय यांचे वडील एसए चंद्रशेखर यांनी काँग्रेसला टीव्हीके सोबत (TVK) युती करण्याचं आमंत्रण दिलं आहे. काँग्रेसला सत्ता स्थापनेचं आमंत्रण देताना एसए चंद्रशेखर यांनी म्हटलं आहे की, काँग्रेसने इतर पक्षांना पाठिंबा देऊन स्वतःची ताकद कमी करून घेतली आहे. मात्र आता आम्हाला पाठिंबा देऊन काँग्रेसला आपला पक्ष बळकट करण्याची मोठी संधी आहे.

काँग्रेसचा एक गौरवशाली इतिहास आहे, मात्र एवढा मोठा इतिहास आणि पक्ष असून देखील काँग्रेस पक्ष कमजोर झाला आहे. त्यामुळे त्यांचा पराभव होत आहे. काँग्रेसकडून सातत्याने इतर पक्षांना सत्तेसाठी पाठिंबा दिला जात आहे, मात्र यामध्ये त्यांचं नुकसान होत आहे. त्यांनी आमच्यासोबत युती करावी, त्यांच्याकडे त्यांचा पक्ष मजबूत करण्याची ही मोठी संधी आहे, असं थलपती विजय यांचे वडील एसए चंद्रशेखर यांनी म्हटलं आहे. दरम्यान आता काँग्रेस थलपती विजय यांच्या वडिलांचा प्रस्ताव स्विकारून सत्तेत येणार का? हे पहाणं महत्त्वाचं ठरणार आहे. तर दुसरीकडे केरळमध्ये मात्र काँग्रेसने डाव्यांच्या गडाला सुरुंग लावला आहे.

कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.