माजी मुख्यमंत्र्यांच्या घरावर EDचा छापा, कार्यकर्त्यांनी अधिकाऱ्यांची गाडी फोडली
जोरदार दगडफेक, घोषणाबाजी, तुफान राडा
तिरुवनंतपूरम : खरा पंचनामा
केरळचे माजी मुख्यमंत्री पिनराई विजयन यांच्या घरावर अंमलबजावणी संचालनालयाच्या (ED) छापेमारीनंतर केरळची राजधानीत मोठा गोंधळ आणि हिंसाचार झाला. कोचीन मिनरल्स अँड रुटाइल लिमिटेड (CMRL) प्रकरणाशी संबंधित तपासादरम्यान मार्क्सवादी कम्युनिस्ट पक्ष अर्थात माकप कार्यकर्त्यांनी ईडीच्या पथकाच्या वाहनावर हल्ला केला.
पिनराई विजयन यांच्या निवासस्थानाबाहेर मोठ्या संख्येने पक्षाचे कार्यकर्ते जमले होते. ईडीचे पथक निवासी संकुलातून बाहेर पडत असताना आंदोलकांनी वाहनावर दगडफेक केली. यावेळी परिसरात मोठा तणाव निर्माण झाला आणि घोषणाबाजी करण्यात आली.
हा संपूर्ण प्रकार ईडीने केरळमधील 10 ठिकाणी एकाचवेळी छापे टाकल्यानंतर घडला. या कारवाईत पिनराई विजयन यांच्याशी संबंधित ठिकाणांचाही समावेश होता. ईडीची ही कारवाई कोचीन मिनरल्स अँड रुटाइल लिमिटेड (CMRL) प्रकरणातील आर्थिक व्यवहारांच्या तपासाशी संबंधित असल्याचे सांगितले जात आहे.
प्रदर्शनस्थळावरील दृश्यांमध्ये CPI(M) कार्यकर्त्यांनी केंद्रीय यंत्रणेच्या विरोधात जोरदार घोषणाबाजी केल्याचे दिसून आले. परिस्थिती नियंत्रणात आणण्यासाठी मोठ्या प्रमाणावर पोलीस बंदोबस्त तैनात करण्यात आला होता. आंदोलकांना पांगवण्याचा प्रयत्न करताना किमान एका पोलीस कर्मचाऱ्याला दुखापत झाल्याची माहिती समोर आली आहे.
दरम्यान अंमलबजावणी संचालनालयाने यापूर्वी दिवसभर केरळमधील विविध ठिकाणी छापेमारी केली. यामध्ये पिनराई विजयन यांचे तिरुवनंतपुरममधील भाड्याचे निवासस्थानही समाविष्ट होते. काही काळापूर्वीच ते या घरात राहण्यासाठी स्थलांतरित झाले होते.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
