गावभाग येथील ‘विनायक नवरात्र उत्सव मंडळात’ महापौर धीरज सूर्यवंशी यांच्या हस्ते दुर्गामातेची आरती

गावभाग येथील ‘विनायक नवरात्र उत्सव मंडळात’ महापौर धीरज सूर्यवंशी यांच्या हस्ते दुर्गामातेची आरती 

पूजा फडके 

सांगली : खरा पंचनामा 

गावभाग येथील प्रसिद्ध ‘विनायक नवरात्र उत्सव मंडळ’ येथे नवरात्रोत्सवाच्या निमित्ताने अत्यंत उत्साही आणि भक्तिमय वातावरणात आरतीचा सोहळा पार पडला. या प्रसंगी सांगली-मिरज-कुपवाड शहराचे महापौर धीरज सूर्यवंशी यांच्या शुभहस्ते आई अंबाबाईची (दुर्गामाता) आरती करण्यात आली.

या आरती सोहळ्याला स्थानिक नगरसेविका सौ. अनिता पवार यांची प्रमुख उपस्थिती लाभली होती. नवरात्रोत्सवाच्या या पावन पर्वावर परिसरातील नागरिकांनी तसेच महिला भगिनींनी आरतीसाठी मोठी गर्दी केली होती. आरतीदरम्यान संपूर्ण परिसर ‘आई अंबाबाईच्या’ जयघोषाने दुमदुमून गेला होता.

महापौर धीरज सूर्यवंशी यांनी आरतीचा मान दिल्याबद्दल उत्सव मंडळाचे पदाधिकारी, परिसरातील नागरिक आणि उपस्थित महिला भगिनींचे मनःपूर्वक आभार मानले.

 यावेळी त्यांनी उपस्थित नागरिकांशी संवाद साधून शुभेच्छांचा स्वीकार केला. नागरिकांकडून मिळालेले प्रेम, आपुलकी आणि आशीर्वाद अत्यंत मन आनंदित करणारे असल्याचे मत त्यांनी व्यक्त केले.

या संपूर्ण सोहळ्यामुळे उत्सव मंडळ परिसरात अत्यंत मंगलमय आणि उत्साहाचे वातावरण निर्माण झाले होते.

कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.