Breaking News

6/recent/ticker-posts

KP Banner

M4U News

"अटक करत नाही, गुन्ह्यातून नावही काढतो" ५० हजारांची लाच घेताना सहायक पोलीस निरीक्षकाला अटक

"अटक करत नाही, गुन्ह्यातून नावही काढतो"
५० हजारांची लाच घेताना सहायक पोलीस निरीक्षकाला अटक 



धाराशिव : खरा पंचनामा 

दाखल गुन्ह्यात अटक न करण्यासाठी व गुन्ह्यातून नाव कमी करण्यासाठी १ लाख रूपये लाचेची मागणी करून ५० हजार रूपये स्वीकारताना तुळजापूर तालुक्यातील तामलवाडी पोलीस ठाण्याचे प्रभारी सहाय्यक पोलीस निरीक्षकास रंगेहात पकडले.

ही कारवाई शुक्रवारी रात्री उशिरा धाराशिव लाचलुचपत प्रतिबंधक विभागाकडून करण्यात आली. या प्रकरणी तामलवाडी पोलीस ठाण्यात गुन्हा दाखल झाला आहे.

आरोपी सुरज शांतीलाल देवकर हे तामलवाडी पोलीस ठाण्याचे प्रभारी सहाय्यक पोलीस निरीक्षक आहेत. तक्रारदार यांच्याविरूद्ध तामलवाडी ठाण्यात गुन्हा दाखल आहे. या गुन्ह्याचा तपास प्रभारी अधिकारी यांच्या अधिपत्याखालील पोलीस अंमलदाराकडे आहे. संबंधित तपास अधिकारी यांना सांगून तक्रारदार यांना गुन्ह्यामध्ये अटक न करण्यासाठी व गुन्ह्यातून नाव कमी करण्यासाठी देवकर याने पंचासमक्ष १ लाख रूपये लाचेची मागणी केली. तडजोडीअंती ५० हजार रूपये स्वीकारण्याचे ठरले. यानंतर लाचलुचपत प्रतिबंधक विभागाच्या पथकाने शुक्रवारी सापळा लावला असता, तक्रारदाराकडून ५० हजार रूपये स्वीकारताना देवकर यास रंगेहात पकडले. ही कारवाई शुक्रवारी रात्री उशिरा झाली.

या प्रकरणी तामलवाडी पोलीस ठाण्यात देवकर याच्याविरूद्ध गुन्हा दाखल करण्यात आला आहे. सापळा अधिकारी म्हणून पोलीस निरीक्षक नानासाहेब कदम, सापळा पर्यवेक्षण अधिकारी पोलीस उपअधिकक्षक सिध्दाराम म्हेत्रे यांनी काम पाहिले. सापळा पथकात पोलीस अंमलदार सिध्देश्वर तावसकर, आशिष पाटील, विशाल डोके, शशिकांत हजारे यांचा समावेश होता.

कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२

➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.