पूर्ववैमनस्यातून हॉटेल व्यावसायिकाचा निर्घृण खून
कार्वे येथील घटना, तीन संशयित ताब्यात
सांगली : खरा पंचनामा
पूर्वी झालेल्या किरकोळ भांडणाचा आणि वादाचा रागातून विटा जवळील कार्वे येथे एका हॉटेल व्यावसायिकाचा निर्घृणपणे खून करण्यात आला. मध्यरात्री ही घटना घडली. याप्रकरणी विटा पोलिसांनी तीन संशयिताना ताब्यात घेतले आहे.
भांडणाचा राग मनात धरुन तलवारीने, गुप्तीने, हॉकी स्टीकने खून केल्याचे पोलिसांच्या प्राथमिक तपासात स्पष्ट झाले आहे. राहुल जाधव (वय 35) असे खून झालेल्या व्यक्तीचे नाव आहे. माणिक संभाजी परीट व गजानान गोपीनाथ शिंदे (मंगरुळ ता. खानापूर), अमृत शहाजी माळी, नयन रंगलाल धाबी, प्रफुल्ल कांबळे, रोहन रघुनाथ जाधव, नितीन पांडुरंग जाधव (सर्व, कार्वे ता. खानापूर) अशी संशयितांची नावे आहेत. माणिक परीट, गजानन शिंदे व नयन धाबी या तीन संशयितांना ताब्यात घेतल्याचे विटा पोलिसांनी सांगितले आहे. खून प्रकरणी आतापर्यंत 7 जणांवर गुन्हा दाखल करण्यात आला आहे. याबाबत मृताचा भाऊ राजाराम जाधव (कार्वे) यांनी या खून प्रकरणी विटा पोलिसांत फिर्याद दिली आहे.
मध्यरात्री साडे बारा वाजण्याच्या सुमारास कार्वे येथील पुलावर राहुल जाधव यांची ही कार अडवून भररस्त्यातच गुप्ती व तलवारीने डोक्यात वार करून, तसेच हॉकी स्टीकने मारहाण करून खून केला.
राहुल जाधव व संशयित यांच्यामध्ये झालेल्या जुन्या भांडणाच्या रागातून संशयितांनी बेकायदेशीर जमाव जमवून, शस्त्र बाळगून राहुल जाधव यांच्या कारच्या काचा फोडल्या. तलवारीने डोक्यात वार करुन त्यांचा निघृणपणे खून केल्याचे फिर्यादीत म्हटले आहे. वरील संशयितांवर गुन्हा दाखल केल्याचे व अन्य हल्लेखोरांचा शोध सुरू असल्याचे पोलिसांनी सांगितले आहे. पोलिस उपनिरीक्षक व्ही. जी. येळेकर तपास करत आहेत.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.