देशभरात शिवजन्मोत्सवाचा उत्साह ! शिवनेरीवर लाखो शिवप्रेमी दाखल
पुणे : खरा पंचनामा
देशभरात शिवजयंतीचा उस्साह आहे. राज्याच्या कानाकोपऱ्यात 395 शिवजयंतीची मोठी तयारी करण्यात आली असून शिवनेरी किल्ला शिवजयंतीच्या उत्सवासाठी सजला आहे. काल रात्रीपासूनच लाखो शिवप्रेमी शिवनेरीवर दाखल झाले आहेत.
शिवजयंतीनिमित्त शिवनेरी किल्ल्यावर आज, बुधवारी (१९ फेब्रुवारी) विविध कार्यक्रम होणार असून, पारंपरिक शिवजन्म सोहळा आणि छत्रपती शिवाजी महाराजांना मानवंदना दिली जाणार आहे. दरम्यान पुण्याचे जिल्हाधिकारी जितेंद्र डुडी यांनी आज पहाटे किल्ल्यावर शिवाई देवीची आरती केली.
शिवजयंतीनिमित्त कार्यक्रमासाठी मुख्यमंत्री देवेंद्र फडणवीस यांच्यासह उपमुख्यमंत्री एकनाथ शिंदे आणि अजित पवार, पर्यटन मंत्री शंभूराजे देसाई, सांस्कृतिक कार्यमंत्री आशिष शेलार उपस्थित राहणार आहेत. 'पारंपरिक शिवजन्म सोहळा आणि छत्रपती शिवाजी महाराज यांना मानवंदना या वेळी देण्यात येणार आहे.
यंदा शिवनेरी गडावर शिवजन्मोत्सवासाठी येणाऱ्यांच्या स्वागतासाठी ठीक ठिकाणी आकर्षक कमानी उभारण्यात आल्या आहेत. शिवनेरी किल्ला पूर्ण विद्युत रोषणाईने सजवण्यात आला आहे. पर्यटन विभाग जिल्हा प्रशासनाकडून तीन दिवसांच्या हिंदवी स्वराज्य महोत्सवासह विविध कार्यक्रमाचे आयोजन करण्यात आले आहे.
जुन्नर येथील शिवनेरी किल्ल्यावर तसेच शंकरराव बुट्टे-पाटील विद्यालय मैदानाच्या प्रांगणात येत्या १७ ते १९ फेब्रुवारी दरम्यान 'हिंदवी स्वराज्य महोत्सव २०२५'चे आयोजन करण्यात आले आहे. मुख्यमंत्री देवेंद्र फडणवीस यांच्या उपस्थितीत या सोहळ्याचे उद्घाटन होणार असल्याची माहिती पर्यटन मंत्री शंभूराज देसाई यांनी दिली.
या महोत्सवांतर्गत राज्यातील महिला बचत गटांच्या उत्पादनांना चालना देण्यासाठी विविध बचतगटांची उत्पादने व खाद्यपदार्थाच्या स्टॉलचे प्रदर्शन लावण्यात येणार आहे. त्याशिवाय महाराष्ट्राच्या जिद्दीचे प्रतीक असलेली शिवनेर महोत्सव बैलगाडा शर्यत घेण्यात येणार असून कबड्डी स्पर्धाही रंगणार आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
