त्या तरुणीला तीन लाखांचे 'मनोधैर्य'
स्वारगेट बस स्थानक अत्याचार प्रकरण
पुणे : खरा पंचनामा
स्वारगेट बस स्थानक अत्याचार प्रकरणातील २६ वर्षीय तरुणीला राज्य सरकारच्या 'मनोधैर्य' योजनेअंतर्गत तीन लाख रुपयांची आर्थिक मदत मंजूर करण्यात आली आहे. ही मदत जिल्हा विधी सेवा प्राधिकरणाच्या माध्यमातून दिली जाणार असून, त्यासाठीची प्रक्रिया पूर्ण झाली आहे. लवकरच ही रक्कम पीडितेला प्रदान केली जाईल.
अत्याचाराची ही धक्कादायक घटना २५ फेब्रुवारी २०२५ ला स्वारगेट बस स्थानकात शिवशाही बसमध्ये घडली होती. तरुणीवर अत्याचार केल्याप्रकरणी पोलिसांनी तरुणीला गाडे याला अटक केली होती. त्याला १२ दिवस पोलिस कोठडीत ठेवण्यात आले होते, त्यानंतर न्यायालयीन कोठडी सुनावण्यात आली होती. या घटनेने शहरात खळबळ उडवून दिली होती.
तरुणीच्या मानसिक आणि सामाजिक पुनर्वसनासाठी 'मनोधैर्य' योजनेअंतर्गत आर्थिक मदत देण्याची शिफारस करण्यात आली होती. त्यानुसार जिल्हा विधी सेवा प्राधिकरणाकडून तीन लाख रुपयांची मदत मंजूर करण्यात आली आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
