वाहतूक कोंडीमुळे केंद्रीय रस्ते वाहतूक मंत्र्यांवर पाहणी दौरा रद्द करण्याची वेळ
पुणे : खरा पंचनामा
पुणे शहरातील वाहतूक कोंडीची समस्या मोठी आहे. सामान्य नागरिकांना या वाहतूक कोंडीचा नेहमीच त्रास होतो. दरम्यान, याचा फटका आता खुद्द केंद्रीय रस्ते वाहतूक आणि परिवहन मंत्री नितीन गडकरींनाही बसला आहे.
शनिवार वाडा ते स्वारगेट दरम्यान प्रस्तावित असलेल्या भुयारी मार्गाच्या पाहणीसाठी केंद्रीय मंत्री नितीन गडकरी यांचा दौरा आयोजित केला होता. मात्र वाहतूक कोंडीमुळे त्यांना पाहणीच्या ठिकाणापर्यंत पोहोचता आलं नाही. शेवटी गडकरींनी दौरा रद्द करून गाडीत बसूनच अधिकाऱ्यांकडून आढावा घेतला.
केंद्रीय मंत्री नितीन गडकरी शनिवार वाडा येथे पाहणीसाठी पोहोचले होते. मात्र शहरातल्या सकाळी ऑफिसच्या वेळेत झालेल्या वाहतूक कोंडीत ते अडकले. गडकरी यांच्या वाहनांच्या ताफ्याला गर्दीमुळे पुढे जाता आलं नाही. यामुळे त्यांनी गाडीतूनच संबंधित अधिकाऱ्यांशी चर्चा केली परिस्थितीचा आढावा घेतला. पुढे पाहणीसाठी न जाता त्यांनी दौरा रद्द करण्याचा निर्णय घेतला.
गडकरींनाच वाहतूक कोंडीने दौरा रद्द करण्याची वेळ आल्यानं आता याची चर्चा होत आहे. स्थानिक आमदार हेमंत रासने यांनी सांगितलं की, 'पोलिस आणि महापालिका प्रशासन यांच्यात सन्मवयाअभावी ही वाहतूक कोंडी झाली. नियोजनात कमतरतेमुळे केंद्रीय मंत्री नितीन गडकरी हे वाहतूक कोंडीत अडकले आणि त्यांचा दौरा रद्द करावा लागला.
केंद्रीय मंत्री नितीन गडकरी यांनी शनिवार वाडा ते स्वारगेट या भुयारी मार्गाबाबत सकारात्मक अशी भूमिका घेतलीय. त्याबाबतचं निवेदन गडकरी यांनी स्वीकारलं असून ते लवकरच यावर बैठक घेतील आणि पुढील निर्णय घेणार असल्याचं आश्वासन देण्यात आलंय असंही आमदार हेमंत रासने यांनी सांगितलं.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
