टँकर खाली सापडून तासगावचा तरूण ठार, एकजण जखमी
आदमापूर येथून देवदर्शनाहून परतताना शिरोलीत अपघात
कोल्हापूर : खरा पंचनामा
पुणे-बंगळुरू महामार्गावर शिरोली येथे टँकर व दुचाकी यांच्यात झालेल्या अपघातात तासगाव (जि. सांगली) येथील तरुण ठार झाला तर एकजण जखमी झाला आहे. गुरुवारी सायंकाळी हा अपघात झाला. याबाबत शिरोली एमआयडीसी पोलीस ठाण्यात नोंद करण्यात आली आहे.
कौशिक दिलीप सासणे (वय २६) असे मृत तरुणाचे नाव आहे. तर बापूसो रामचंद्र गावडे (वय ५५) असे जखमीचे नाव आहे. आदमापूर येथील बाळूमामाचे दर्शन घेण्यासाठी कौशिक नातेवाईकांसोबत गेला होता. आदमापूर येथून देवदर्शना घेऊन परत तासगावकडे दुचाकीवरून (क्र. एमएच १० डी एफ ०२२१) जात असताना शिरोली येथील कोल्हापूर स्टील सांस्कृतिक हॉल जवळ त्यांच्या दुचाकीची धडक समोर असलेल्या कारला बसली. या धडकेमुळे त्याचा दुचाकीवरील ताबा सुटल्याने टँकरखाली (क्र. एमएच ०९ एफएल १८१९) पडला. यामध्ये टँकरचे चाक कौशिकच्या अंगावरून गेल्याने कौशिक जागीच ठार झाला. पण त्याचे नातेवाईक सुदैवाने बचावले. जखमीला कोल्हापूर येथील सिपीआर हाँस्पिटल मध्ये दाखल करण्यात आले. उत्तरीय तपासणीनंतर रात्री मृतदेह नातेवाईकांच्या ताब्यात देण्यात आला.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
