दिल्लीतील खासदारांच्या आंदोलनात शरद पवार जखमी?
नवी दिल्ली : खरा पंचनामा
इंडिया आघाडीच्या खासदारांनी नवी दिल्लीत निवडणूक आयोगाच्या विरोधात आक्रमक भूमिका घेतली आहे. संसद भवन ते निवडणूक आयोगावर काढलेल्या मोर्चातील खासदारांना दिल्ली पोलिसांनी अटकाव केला.
या मोर्चादरम्यान खासदार आणि पोलिसांमध्ये रेटारेटी झाल्याचं पाहायला मिळालं. यावेळी संतप्त झालेल्या खासदारांनी रस्त्यावर ठिय्या मांडला. या मोर्चादरम्यान खासदार शरद पवार जखमी झाल्याचा दावा समोर आल्याने एकच खळबळ उडाली आहे.
'न्यूज १८'ने दिलेल्या वृत्तानुसार, विरोधी पक्षनेते राहुल गांधी यांच्या नेतृत्वातील मोर्चामध्ये आघाडीचे २५ घटक पक्ष सहभागी झाले. या मोर्चामध्ये राहुल गांधी, मल्लिकार्जुन खरगे, सोनिया गांधी, शरद पवार, संजय राऊत, प्रियंका गांधी, अखिलेश यादव यांच्यासहित ३०० खासदार सहभागी झाले.
राहुल गांधी यांनी काही दिवसांपूर्वी कर्नाटकामधील एका विधानसभा मतदारसंघात झालेल्या कथित बोगस मतदारांचा आरोप केला. राहुल गांधी यांच्या आरोपाने विरोधकांनी आक्रमक भूमिका घेतली आहे. भाजपने निवडणूक आयोगाचे मदतीने लोकसभा निडवणूक जिंकल्याचा आरोप विरोधकांनी केलाय.
पोलिसांनी संसद परिसरात बॅरिकेट लावत खासदारांना अटकाव केला. त्यावेळी पोलीस आणि खासदारांमध्ये रेटारेटी झाली. यावेळी एकाने माध्यमांशी बोलताना शरद पवार जखमी झाल्याचा दावा केला.
मोर्चादरम्यान काँग्रेस खासदार संजना जाटव आणि तृणमूल काँग्रेसच्या खासदार मिताली बाग चक्कर येऊन बेशुद्ध झाल्या. या दोन्ही खासदारांना तातडीने रुग्णालयात दाखल करण्यात आलं. राहुल गांधी आणि इतर खासदारांनी त्यांना रुग्णालयात दाखल केले.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
