विट्यात तलवार घेऊन फिरणाऱ्या तरुणाला अटक
सांगली एलसीबीची कारवाई
सांगली : खरा पंचनामा
विटा शहरात धारदार तलवार घेऊन फिरणाऱ्या तरुणाला अटक करण्यात आली. त्याच्याकडून तलवार जप्त करण्यात आल्याची माहिती एलसीबीचे वरिष्ठ पोलीस निरीक्षक सतिश शिंदे यांनी दिली.
साईनाथ सुनिल धुमाळ (वय २०, रा. मायक्कानगर, विटा, ता. खानापूर) असे अटक केलेल्याचे नाव आहे. बेकायदा शस्त्रे बाळगणाऱ्यांवर कारवाई करण्यासाठी निरीक्षक शिंदे यांनी सहायक निरीक्षक सिकंदर वर्धन यांचे विशेष पथक तयार केले होते.
पथकातील सूर्यकांत साळुंखे यांना एक तरुण विट्यातील मायाक्कानगर येथे धारदार तलवार घेऊन फिरत असल्याची माहिती खबऱ्याद्वारे मिळाली. पथकाने तेथे जाऊन तरुणाला ताब्यात घेतले. त्याची झडती घेतल्यावर त्याच्याजवळ धारदार तलवार सापडली. ती जप्त करून त्याला अटक करण्यात आली. त्याच्याविरोधात विटा पोलीस ठाण्यात गुन्हा दाखल करण्यात आला आहे.
एलसीबीचे वरिष्ठ निरीक्षक सतिश शिंदे यांच्या मार्गदर्शनाखाली सहायक निरीक्षक सिकंदर वर्धन, सुर्यकांत सांळुखे, संजय पाटील, हणमंत लोहार, सोमनाथ गुंडे, अतुल माने, अमर नरळे, प्रमोद साखरपे, सुनिल जाधव, अभिजीत ठाणेकर, सोमनाथ पतंगे, शिवाजी शिद, गणेश शिंदे यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
