गावठी बनावटीचे पिस्तूल बाळगणाऱ्याला अटक
सांगली एलसीबीची कारवाई
सांगली : खरा पंचनामा
तासगाव तालुक्यातील मणेराजुरी रोडवरील करोली फाटा येथे गावठी पिस्तूल घेऊन थांबलेल्या तरुणाला अटक करण्यात आली. त्याच्याकडून पिस्तूल जप्त करण्यात आल्याची माहिती एलसीबीचे वरिष्ठ पोलीस निरीक्षक सतिश शिंदे यांनी दिली.
रोहित मच्छिद्र माने (वय २६, रा. करोली एम, ता. मिरज) असे अटक केलेल्याचे नाव आहे. बेकायदा शस्त्रे बाळगणाऱ्यांवर कारवाई करण्यासाठी निरीक्षक शिंदे यांनी सहायक निरीक्षक पंकज पवार यांचे विशेष पथक तयार केले होते.
पथक मणेराजुरी परिसरात गस्त घालत असताना एक तरुण करोली फाटा येथे गावठी बनावटीचे पिस्तूल घेऊन थांबल्याची माहिती मिळाली. पथकाने तेथे जाऊन तरुणाला ताब्यात घेतले. त्याची झडती घेतल्यावर त्याच्याजवळ गावठी पिस्तूल सापडले. ते जप्त करून त्याला अटक करण्यात आली. त्याच्याविरोधात तासगाव पोलीस ठाण्यात गुन्हा दाखल करण्यात आला आहे.
एलसीबीचे वरिष्ठ निरीक्षक सतिश शिंदे यांच्या मार्गदर्शनाखाली सहायक निरीक्षक पंकज पवार, सतिश माने, अनिल कोळेकर, मच्छिद्र बर्डे, संदीप नलावडे, नागेश खरात, अमर नरळे, अमीरशा फकीर, सागर लवटे, संदीप गुरव, उदयसिंह माळी, प्रकाश पाटील, विक्रम खोत, केरुबा चव्हाण यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
