जो समाजाच्या बाजूने उभा राहील समाजही त्याच्या बाजूने उभा राहील
मराठा नेत्यांना जरांगे-पाटील यांचा मिरजेत इशारा
पहा व्हिडीओ
मिरज : खरा पंचनामा
मराठा आणि कुणबी एकच असल्याने लोकशाहीच्या आधारावरच ही मागणी करण्यात येत आहे. २७ ऑगस्टपर्यंत शासनाने याबाबतचा निर्णय घ्यावा. एकदा आंतरवाली सोडल्यानंतर कोणत्याही परिस्थितीत माघार घेणार नाही. मराठा समाजातील सत्तेत असलेले नेते आरक्षणासाठी सरकारवर दबाव टाकत नाहीत हे दुखणेच आहे. जो समाजाच्या बाजूने उभा राहील समाजही त्याच्या बाजूने उभा राहील, असा इशारा मनोज जरांगे-पाटील यांनी दिला.
मुंबई येथील आंदोलनाच्या पार्श्वभूमीवर जरांगे पाटील गुरुवारी सांगली दौऱ्यावर होते. यावेळी ते पत्रकार परिषदेत बोलत होते. ते म्हणाले, मराठा समाजाला ओबीसी आरक्षण मिळावे यासाठी राज्य शासनाने दिलेले आश्वासनामुळे फसवणूक झाली आहे. त्यांच्याकडून आदेश होईल म्हणून आजवर शांत होतो मात्र, याकडे दुर्लक्ष होत असल्याने आता मुंबईत २९ ऑगस्टपासून सुरु होणाऱ्या आंदोलनात आर पारची निर्णायक लढाई होईल आणि मराठा समाजाला ओबीसी आरक्षणाचा आदेश घेवूनच आंदोलन थांबवले जाईल, असा इशारा त्यांनी यावेळी दिला.
जरांगे-पाटील म्हणाले, कोणताही कायदा करायला आधार असायला लागतो. आता मराठा समाजातील ५८ लाख कुणबी नोंदी आढळून आल्याने आधार मिळाला आहे. त्यामुळे कोणतेही शासन कायदा मोडूच शकत नाही. मुंबईत २९ ऑगस्टपासून सुरु होणारे आंदोलन हे आजवरचे रेकॉर्डब्रेक आंदोलन असेल. ओबीसीतूनच आरक्षण घेवून त्याच्या अंमलबजावणीसह आदेश घेतल्यानंतरच आता स्वस्थ बसणार आहे, असे जरांगे यावेळी म्हणाले.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
