सांगलीत सराईत दुचाकी चोरट्याला अटक
दीड लाखांच्या तीन गाड्या जप्त : सांगली शहर पोलिसांची कारवाई
सांगली : खरा पंचनामा
सांगली शहर पोलीस ठाण्याच्या हद्दीतून दुचाकी चोरणाऱ्या सराईत गुन्हेगाराला अटक करण्यात आली. त्याच्याकडून तीन गुन्हे उघडकीस आणत दीड लाखांच्या तीन गाड्या जप्त करण्यात आल्याची माहिती सांगली शहर पोलीस ठाण्याचे निरीक्षक अरुण सुगावकर यांनी दिली.
गणेश अंकुश बंडगर (वय ३१, रा. प्रशांत हॉटेलच्या पाठीमागे, माधवनगर रोड, चिंतामणीनगर, सांगली) असे अटक केलेल्याचे नाव आहे. दुचाकी चोरट्याना पकडण्याच्या सूचना निरीक्षक सुगावकर यांनी गुन्हे प्रकटीकरण शाखेला दिल्या होत्या. त्यानुसार पथक चोरट्यांचा शोध घेत होते. एकजण कमी किमतीत दुचाकी विक्री करण्यासाठी बायपास रोडवर येणार असल्याची माहिती पथकाला मिळाली.
पथकाने सापळा रचून गणेश बंडगर याला ताब्यात घेतले. त्याच्याकडून तीन गुन्हे उघडकीस आणत तीन गाड्या जप्त करण्यात आल्या. सांगली शहर पोलीस ठाण्याचे प्रभारी अरुण सुगावकर यांच्या मार्गदर्शनाखाली उपनिरीक्षक महादेव पोवार, संदिप पाटील, विनायक शिंदे, योगेश पाटील, रफिक मुलाणी, सतीश लिंबळे, विष्णु बंडगर, प्रशांत पुजारी, संदीप कोळी, विशाल कोळी, योगेश सटाले, गौतम कांबळे, संतोष गळवे, दिग्विजय साळुंखे, गणेश कोळेकर यांनी ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
