डॉक्टर तरुणी आत्महत्या प्रकरण : महिला आयपीएस अधिकारी करणार तपास
मुंबई : खरा पंचनामा
फलटणमधील डॉक्टर तरुणीच्या प्रकरणामध्ये फ एसआयटीच्या स्थापनेचे आदेश मुख्यमंत्री फडणवीसांनी दिले आहेत. राज्याचे गृहमंत्री फडणवीसांनी राज्याच्या पोलिस महासंचालकांना हे आदेश दिले आहेत. फलटणप्रकरणी महिला आयपीएस अधिकाऱ्यांच्या नेतृत्वाखाली एक एसआयटी स्थापन करण्यात यावी असे हे आदेश आहेत. त्यामुळे फलटण प्रकरणात महाराष्ट्र सरकार आता अॅक्शन मोडमध्ये आलेलं पाहायला मिळत आहे.
फलटण प्रकरणात पोलिसच आरोपी असल्याने पोलिसांवर, त्यांच्या तपासावर आरोप होत असल्याने महिला आयपीएस अधिकाऱ्यांच्या हातात हा तपास देण्यात येणार असल्याचे आदेश मुख्यमंत्र्यांनी दिले आहेत. त्यामुळे आता महिला अधिकारीच या प्रकरणाचा तपास करताना पाहायला मिळणार आहेत.
दरम्यान, डॉक्टर तरुणीच्या आत्महत्येप्रकरणी विशेष तपास पथकाकडे वर्ग करण्याची मागणी अनेक राजकीय नेते, पक्ष व सामाजिक कार्यकर्त्यांकडून केली जात होती. डॉक्टर तरुणीच्या कुटुंबाचीही तशी मागणी होती. या मागणीतून दोषींना कठोर शिक्षा देण्यात यावी अशी मागणी जोर धरुन होती. त्यामुळे आता मुख्यमंत्र्यांनी हे आदेश दिले आहेत.
या प्रकरणात काही राजकीय व्यक्तींवरही आरोप करण्यात आले आहेत. त्यांच्याही अटकेची मागणी होत असताना आता या एसआयटी पथकाच्या स्थापनेनंतर पुढे काय घडतं याकडे सर्वांचं लक्ष असणार आहे.
दरम्यान, या प्रकरणातले प्रमुख आरोपी प्रशांत बनकर व आयपीएस गोपाळ बदने या दोघांनाही पोलिसांनी अटक केलेली आहे. व त्यांची कस्टडीही न्यायालयाने पोलिसांना दिलेली आहे. सखोल तपास, व या दोन आरोपींचा एकमेकांशी काही संबंध आहे का हे सर्व तपशील तपासण्यासाठी सरकारी वकिलांनी न्यायालयात युक्तिवाद केला होता. ज्याला न्यायालयाने दोन्ही बाजूचा युक्तिवाद ऐकल्यानंतर 5 दिवसांची कस्टडी दिली होती.
फलटणमधील उपजिल्हा रुग्णालयात काम करणाऱ्या डॉक्टर तरुणीने स्वतःच्या हातावर आरोपींची नावे लिहित आत्महत्येसारखं पाऊल उचललं होतं. तिने यावेळी पीएसआय गोपाळ बदनेने आपल्यावर 4 वेळा अत्याचार केल्याचं म्हटलं होतं, तर दुसरा आरोपी प्रशांत बनकरने आपला मानसिक व शारिरीक छळ केल्याचं लिहिलं होतं.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
