तासगाव परिसरात घरफोडी, चोरी करणाऱ्या चौघांना अटक
दुचाकीसह दीड लाखांचा मुद्देमाल जप्त : सांगली एलसीबीची कारवाई
सांगली : खरा पंचनामा
तासगाव शहरासह परिसरात घरफोडी, चोरी तसेच तांब्याच्या तारा चोरणाऱ्या चौघांना अटक करण्यात आली आहे. त्यांच्याकडून चार गुन्हे उघडकीस आणत दुचाकी, दागिन्यासह दीड लाखांचा मुद्देमाल जप्त करण्यात आल्याची माहिती एलसीबीचे वरिष्ठ पोलीस निरीक्षक सतिश शिंदे यांनी दिली.
बारक्या सलीम चौधरी (वय ३२), आनिल शंकर जाधव (वय २८), दिपक रंगलाल बिलारे (वय ५१), संतोष सावकार जाधव (वय २४, सर्व रा. बेघर वसाहत, इंदीरानगर, तासगाव) अशी अटक केलेल्यांची नावे आहेत. तासगाव पोलीस ठाण्यात दाखल असलेल्या चोरीच्या गुन्ह्यातील चोरट्याना पकडण्यासाठी निरीक्षक शिंदे यांनी सहायक निरीक्षक पंकज पवार यांचे एक पथक तयार केले होते. पथकाला तासगाव येथील चोरीतील दागिने, तांब्याच्या तारा विक्री करण्यासाठी कवलापूर विमानतळ परिसरात येणार असल्याची माहिती मिळाली.
पथकाने तेथे सापळा रचून चौघांना ताब्यात घेतले. त्यांच्याकडे कसून चौकशी केल्यावर त्यांनी चार ठिकाणी चोरी केल्याची कबुली दिली. त्यांच्याकडून दुचाकी, दागिने, तांब्याच्या तारा, रोकड असा दीड लाखांचा मुद्देमाल जप्त करण्यात आला. त्यांना अटक करून तासगाव पोलिसांच्या ताब्यात देण्यात आले आहे.
एलसीबीचे वरिष्ठ पोलीस निरीक्षक सतिश शिंदे यांच्या मार्गदर्शनाखाली सहायक निरीक्षक पंकज पवार, संदीप नलावडे, सतिश माने, मच्छिद्र बर्डे, सागर लवटे, नागेश खरात, अमिरशा फकीर, संदीप गुरव, अनिल कोळेकर, अमर नरळे, उदयसिंह माळी, महादेव नागणे, केरूबा चव्हाण, विक्रम खोत, गणेश शिंदे, सायबर पोलीस ठाण्याकडील अभिजीत पाटील, अजय पाटील यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
