विना परवाना देशी दारूची वाहतूक करणाऱ्या एकाला अटक
मारुती ओमनीसह 2.40 लाखांचा मुद्देमाल जप्त : सांगली एलसीबीची कारवाई
सांगली : खरा पंचनामा
कवठेपिरान ते लक्ष्मी फाटा दरम्यान देशी दारूची बेकायदा वाहतूक करणाऱ्या एकाला अटक करण्यात आली. त्याच्याकडून मारुती ओमनी कारसह देशी दारूच्या बाटल्या असा 2.40 लाखांचा मुद्देमाल जप्त करण्यात आल्याची माहिती एलसीबीचे वरिष्ठ पोलीस निरीक्षक सतिश शिंदे यांनी दिली.
पुंडलिक पराप्पा करेन्नवर (वय ४६, रा. सांवत प्लॉट, पारीजात कॉलनी, गल्ली नं. १, सांगली) असे अटक केलेल्याचे नाव आहे. स्थानिक स्वराज्य संस्थांच्या निवडणुकांच्या पार्श्वभूमीवर निरीक्षक शिंदे यांनी बेकायदा दारू विक्री, वाहतूक, साठा यावर कारवाई करण्यासाठी सहायक निरीक्षक पंकज पवार यांचे पथक तयार केले होते. पथकातील विक्रम खोत यांना पुंडलिक कवठेपिरान ते लक्ष्मी फाटा दरम्यान देशी दारूची बेकायदा वाहतूक करत असल्याची माहिती मिळाली.
त्यानुसार पथकाने मंगळवारी रात्री सापळा रचला होता. पुंडलिक मारुती ओमनी कार घेऊन आल्यावर त्याला थांबवण्यात आले. कारची तपासणी केल्यावर त्यात देशी दारूच्या बाटल्यांचे बॉक्स सापडले. त्याला अटक करून कार, दारू जप्त करण्यात आली. त्याच्याविरोधात सांगली ग्रामीण पोलीस ठाण्यात गुन्हा दाखल करण्यात आला आहे.
एलसीबीचे वरिष्ठ पोलीस निरीक्षक सतिश शिंदे यांच्या मार्गदर्शनाखाली सहायक निरीक्षक पंकज पवार, सागर लवटे, संदीप नलावडे, अमिरशा फकीर, अतुल माने, मच्छिद्र बर्डे, अमर नरळे, संदीप गुरव, उदयसिंह माळी, महादेव नागणे, विक्रम खोत, केरुबा चव्हाण यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
