खून प्रकरणातील संशयितावर हल्ल्याचा प्रयत्न, एकजण ताब्यात : दोघे पसार
पोलिसांच्या सतर्कतेने अनर्थ टळला : मिरज सिव्हिल हॉस्पिटलमधील थरारक घटना
सांगली : खरा पंचनामा
मिरजेत झालेल्या निखील कलगुटगी याच्या खुनातील मुख्य सूत्रधार सलीम पठाण याच्यावर मिरजेतील सिव्हिल हॉस्पिटल परिसरात हल्ल्याचा प्रयत्न करण्यात आला. परंतु पोलिसांच्या सतर्कतेमुळे तो थोडक्यात बचावला. पोलिसांनी एकाला ताब्यात घेतले असून त्याच्याकडे कसून चौकशी सुरु आहे. दरम्यान पठाण याच्यावर हल्ला करण्यासाठी तिघेजण आले होते अन्य संशयित पसार झाले असून पोलीस त्यांचा शोध घेत आहेत.
मिरजेत पूर्व वैमनस्य आणि गोळीबाराच्या कारणातून निखील कलगुटगी याचा खून करण्यात आला होता. याप्रकरणी मुख्य सूत्रधार असणारा सलीम पठाण याच्यासह 13 जणांना अटक करण्यात आली आहे. दरम्यान सलीम पठाण याला बुधवारी मिरजेच्या सिव्हिल हॉस्पिटलमध्ये वैद्यकीय तपासणीसाठी नेण्यात आले होते. यावेळी त्या ठिकाणी दबा धरून बसलेल्या तिघे हल्लेखोर त्याच्यावर हल्ला करण्यापूर्वीच पोलिसांनी संशयितांवर झडप घातली. यावेळी एकाला ताब्यात घेण्यात आले आहे. तर अन्य दोन संशयित घटनास्थळावरून पसार झाले.
पोलिसांनी दोघाकडून सलीम पठाण याचा खून करण्यासाठा आणलेले पिस्तुल आणि कोयते जप्त केले. या घटनेमुळे मात्र मिरजेत तणाव निर्माण झाला आहे. ताब्यात घेण्यात आलेल्याकडे महात्मा गांधी चौक पोलीस कसून चौकशी करत आहेत. याप्रकरणी गुन्हा दाखल करण्याचेही काम सुरु असल्याचे सांगण्यात आले.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
