घरफोडी चोरी करणारा रेकॉर्डवरील अट्टल गुन्हेगाराला अटक
4.93 लाखांचा मुद्देमाल जप्त : सांगली एलसीबीची कारवाई
सांगली : खरा पंचनामा
शहरातील कुपवाड रोड येथील घर फोडून त्यातील ऐवज लंपास करणाऱ्या अट्टल चोरट्याला अटक करण्यात आली. त्याच्याकडून एक कार, चोरीचे दागिने, टीव्ही असा 4.93 लाखांचा मुद्देमाल जप्त करण्यात आला आहे. सांगली एलसीबीने ही कारवाई केली.
आकाश सतीश कवठेकर (वय २८, रा. उमेदनगर, कुपवाड) असे अटक केलेल्याचे नाव आहे. चोरी, घरफोडीचे गुन्हे उघडकीस आणण्यासाठी एलसीबीचे पोलीस निरीक्षक संजीव झाडे यांनी सहायक निरीक्षक पंकज पवार यांचे पथक तयार केले होते. पथक चोरट्यांचा शोध घेत होते. त्यावेळी कवठेकर हा उत्कर्षनगर येथील घरफोडीतील दागिने विक्री करण्यासाठी सूतगिरणी परिसरात फिरत असल्याची माहिती पथकाला मिळाली.
पथकाने सापळा रचून कवठेकर याची कार अडवली. कारची तपासणी केल्यावर त्यामध्ये सोन्या-चांदीचे दागिने सापडले. तसेच कारच्या मागील सीटवर टीव्ही सापडला. याबाबत त्याच्याकडे कसून चौकशी केल्यावर त्याने उत्कर्षनगर येथील घरफोडीची कबुली दिली. त्याच्याकडून कार (एमएच १० ए एन ८९९३), दागिने, टीव्ही असा 4.93 लाखांचा मुद्देमाल जप्त करण्यात आला. त्याला संजयनगर पोलिसांच्या ताब्यात देण्यात आले आहे. कवठेकर रेकॉर्डवरील गुन्हेगार असून त्याच्यावर संजयनगर, कुपवाड पोलीस ठाण्यात चोरी, घरफोडीचे गुन्हे दाखल आहेत.
एलसीबीचे पोलीस निरीक्षक संजीव झाडे यांच्या मार्गदर्शनाखाली सहायक निरीक्षक पंकज पवार, सपना गराडे, सागर लवटे, सतिश माने, अमिरशा फकीर, मच्छिंद्र बर्डे, सागर टिंगरे, संदीप नलावडे, संदिप गुरव, सोमनाथ गुंडे, अमर नरळे, उदय माळी, महादेव नागणे, विक्रम खोत, केरबा चव्हाण, संजयनगर पोलीस ठाण्याचे विनोद सांळुखे, कपील सांळुखे, संतोष पुजारी, सायबर पोलीस ठाण्याचे अभिजीत पाटील यांच्या पथकाने ही कारवाई केली.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
