राजकारणात दादा माणूस गेला!
बारामतीकर ढसाढसा रडले, मिटकरींना अश्रू अनावर
बारामती : खरा पंचनामा
आज सकाळीच राज्याला हदरवणारी बातमी समोर आली. उपमुख्यमंत्री अजित पवार यांच्या विमानाला बारामती इथं मोठा अपघात झाला आहे. या विमान अपघातात त्यांचा मृत्यू झाल्याची बातमी समोर येत आहे.
ताज्या अपडेटनुसार, या विमान अपघातापर्यंत 6 जणांचा मृत्यू झाल्याची माहिती समोर येत आहे. अजित पवार यांच्या मृत्यूनंतर आता राज्याच्या राजकारणात खळबळ उडाल्याची माहिती मिळाली आहे.
बारामतीतील रुग्णालयात मोठा जणसमुह पहायला मिळाला. अजित पवार यांच्या समर्थकांना अश्रू अनावर झाले. तर अनेक मोठे नेते रुग्णालयात दाखल होत आहे. सुप्रिया सुळे देखील दिल्लीवरून रवाना झाल्या आहेत. उपमुख्यमंत्री अजित पवार यांच्या मृत्यूची बातमी समोर येताच संपूर्ण राज्याला मोठा धक्का बसला आहे. अजित पवार यांचे खंदे समर्थक समजले जाणारे आमदार अमोल मिटकरी यांना अश्रू अनावर झाले. रडता रडता ते गाडीतून बारामतीला रवाना झाले आहेत.
दरम्यान, बारामती विमानतळाजवळील एका शेतामध्ये विमान कोसळलं आहे. हा अपघाता 9 ते 9.15 दरम्यान झाल्याची प्राथमिक माहिती समोर आलीय. अपघातग्रास्त विमान आगीतपूर्णपणे खाक झाले. विमान अपघातामध्ये सहा जणांचा मृत्यू झाल्याची माहिती डीजीसीएने दिली आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
