आरगमधील सराईत गुन्हेगार अप्पू ऊर्फ दत्तात्रय नाईक जिल्ह्यातून एक वर्षासाठी हद्दपार
सांगली : खरा पंचनामा
आगामी स्थानिक स्वराज संस्था निवडणुकांच्या पार्श्वभूमीवर मिरज तालुक्यातील आरग येथील सराईत गुन्हेगाराला एक वर्षासाठी सांगली जिल्ह्यातून हद्दपार करण्यात आले आहे.
अप्पु ऊर्फ दत्तात्रय महादेव नाईक (रा. गणपती मंदीरा जवळ आरग, ता. मिरज जि. सांगली) असे हद्दपार केलेल्याचे नाव आहे. निवडणुकांच्या पार्श्वभूमीवर शरीराविरुध्द व मालमत्तेविरुध्द दाखल गुन्हयातील रेकॉर्डवरील गुन्हेगार नाईक याच्या वास्तव्यामुळे सार्वजनिक शांततेचा भंग होवुन कायदा व सुव्यवस्थेचा प्रश्न निर्माण होत असलेने त्याच्या विरुध्द मिरजेचे उपविभागीय दंडाधिकारी तथा प्रांतअधिकारी यांच्याकडे महाराष्ट्र पोलीस अधिनियम कलम ५६ (१) (अ) (ब) प्रमाणे सांगली जिल्हा कार्यक्षेत्राच्या हद्दीमध्ये प्रवेश करण्यास आणि निवास करण्यास मनाई करणेबाबत प्रस्ताव पाठविला होता. त्यावर प्रांतअधिकारी मिरज उत्तम दिघे यांनी सुनावणी व चौकशी करुन सोमवारी रात्री १२ वाजल्यापासुन एक वर्षासाठी नाईक याला सांगली जिल्हयातुन हद्दपार करण्याचे आदेश दिले आहेत.
सदरची कारवाई तसेच प्रस्ताव तयार करण्याची कामगिरी पोलीस निरीक्षक अजित सिद यांच्या मार्गदर्शनाखाली पोलीस उपनिरीक्षक दिपक माने, संभाजी पवार, महेश निकम, सविता माळी, सुनंदा लोहार, सुहास कुंभार यांनी केली आहे.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
