दिग्दर्शक रोहित शेट्टीला संपवण्यासाठीच गोळीबार, खळबळजनक माहिती समोर
मुंबई : खरा पंचनामा
बॉलिवूडचा प्रसिद्ध दिग्दर्शक रोहित शेट्टीच्या घराजवळी गोळीबार प्रकरणात आता खळबळजनक माहिती समोर आली आहे. हा गोळीबार रोहित शेट्टीला संपवण्यासाठी करण्यात आला अशी माहिती पोलिसांना मिळाली आहे. पोलीस सूत्रांनी दिलेल्या माहितीनुसार रोहित शेट्टीच्या हत्येचा कट रचल्याचा आरोप आहे.
शनिवारी 31 जानेवारीला रात्री मुंबईतील जुहू येथील रोहित शेट्टीच्या शेट्टी टॉवर या बिल्डिंगबाहेर गोळीबार करण्यात आला. या प्रकरणात पुण्याहून 4 आरोपींना अटक करण्यात आली आहे. तर एक आरोपी फरार असल्याचं सांगितलं जातं आहे.
आरोपींनी रोहित शेट्टीला ठार मारण्याच्या उद्देशाने बंदुकीचा वापर करून अंदाधुंद गोळीबार केला असा आरोप त्यांच्यावर आहे. रोहित शेट्टीच्या सुरक्षा रक्षकाने दाखल केलेल्या तक्रारीवरून हा गुन्हा दाखल करण्यात आला आहे.
या प्रकरणातील आरोपींना पुण्यातील धायरी, वारजे आणि कर्वेनगर परिसरातून अटक करण्यात आली आहे. या चौघांची पार्श्वभूमी, संपर्क आणि हालचाली संशयास्पद असल्याने पुणे पोलिसांनी गुप्त माहितीच्या आधारे ही कारवाई केली. चौकशीदरम्यान या आरोपींचे मुंबईतील गुन्हेगारी टोळ्यांशी संबंध असल्याचे चिन्ह दिसून आले आहेत. पोलीस सूत्रांनी दिलेल्या माहितीनुसार, चारही जण देशातील कुख्यात गँगशी संबंधित असल्याची प्राथमिक माहिती समोर आली आहे. पुणे पोलिसांनी या आरोपींनी मुंबई क्राइम ब्रांचच्या ताब्यात देण्यात आलं.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
