प्रचंड वादळाने तरुण हवेत उंच उडाला अन् थेट शेतात...
लखनऊ : खरा पंचनामा
उत्तर प्रदेशमध्ये चक्रीवादळासह निसर्गाचा कोप बघायला मिळाला. 89 लोकांचा जीव गेला. कित्येक लोक गंभीर जखमी आहेत. 100 हून अधिक जणावरे दगावली. घरांचे मोठे नुकसान झाले. या चक्रीवादळादरम्यान लोक जिथे आसरा मिळेल, तिथे स्वतः ची जीव वाचवत लपून बसले.
यादरम्यानच काही धक्कादायक व्हिडीओ व्हायरल होत आहे. एका व्हिडीओमध्ये चक्क पत्राच्या शेडसोबत एक तरुण हवेत उडताना दिसला. मात्र, सुरूवातीला हा व्हिडीओ एआयच्या मदतीने केल्याचे सांगितले जात होते. मात्र, व्हायरल होणारा हा व्हिडीओ फेक नाही किंवा एआयच्या मदतीने तयार करण्यात आला नाहीये. पत्राच्या शेडसोबत हवेत उडणारा तरुणाचा हा व्हिडीओ खरा आहे. 50 फूट ऊंच हा तरुण उडाला. हा व्हिडीओ उत्तर प्रदेशच्या बरेली जिल्ह्यातील आहे.
या घटनेनंतर तरुण एका शेतात फेकला गेला. तो गंभीर जखमी आहे. ज्यावेळी ही घटना घडली, त्यावेळी या पत्राच्या शेडमध्ये तीन लोक लपून बसले होते. मात्र, अचानक हे पत्राचे छत उडाले आणि याच्यासोबत तरुण हवेतच उडाला. कितीतरी फूट हवेत उडाल्यानंतर तो तरुण थेट शेतात जाऊन पडला. या घटनेनंतर जिल्हा प्रशासनाने तरुणाला उपचाराकरिता रूग्णालयात दाखल केले.
उत्तर प्रदेशमध्ये चक्रीवादळ आणि पावसाने थैमान घातले. काल रात्री पाऊस वाऱ्यासह एक धक्कादायक रूप निसर्गाचे बघायला मिळाले. या चक्रीवादळात झाडे रस्त्यावर पडल्याने महामार्ग अनेक भागात बंद आहेत. जिल्हाधिकारी अविनाश सिंग यांनी अधिकाऱ्यांना सूचना देत अलर्ट राहण्यास सांगितले. प्रशासनाकडून परिस्थिती नियंत्रणात आणण्याचा प्रयत्न केला जात आहे. लोकांना तात्काळ मदत पोहोचवण्याच्या सूचनाही देण्यात आल्यात.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
