देशभरात 16 कॉम्बिनेशन औषधांवर तात्काळ बंदी
केंद्र सरकारने घेतला तातडीने निर्णय; यादीच जाहीर केली
नवी दिल्ली : खरा पंचनामा
केंद्र सरकारने आणखी एक मोठी नियामक कारवाई करत देशभरातील 16 फिक्स्ड-डोस कॉम्बिनेशन (FDC) औषधांवर तात्काळ बंदी घातली आहे. वैज्ञानिक तपासणीनंतर या औषधांचे संयोजन वैद्यकीयदृष्ट्या योग्य नसल्याचा निष्कर्ष समोर आल्यानंतर हा निर्णय घेण्यात आला आहे.
हा निर्णय औषधे आणि सौंदर्यप्रसाधने कायदा, 1940 (Drugs and Cosmetics Act, 1940) च्या कलम 26A अंतर्गत जारी करण्यात आलेल्या अधिसूचनेद्वारे लागू करण्यात आला आहे. केंद्रीय आरोग्य मंत्रालयाने या निर्णयाची घोषणा करत म्हटले आहे की, मानवी वापरासाठी ओळखण्यात आलेल्या या 16 फिक्स्ड-डोस कॉम्बिनेशन औषधांचे उत्पादन, विक्री, वितरण आणि पुरवठा देशभरात तात्काळ प्रभावाने बंद करण्यात येत आहे.
बंदी घालण्यात आलेल्या औषधांमध्ये विविध उपचार श्रेणीतील औषधांचा समावेश आहे. यामध्ये काही अँटिबायोटिक संयुगे, वेदनाशामक औषधे, पोटदुखी व आकडी कमी करणारी औषधे तसेच त्वचारोगांवरील काही औषधांचा समावेश आहे.
बंदी घालण्यात आलेल्या प्रमुख संयुगांमध्ये खालील औषधांचा समावेश आहे.
Acetyl Salicylic Acid + Ethoheptazine Dicyclomine + Paracetamol + Clidinium Bromide Dicyclomine + Paracetamol + Clidinium Bromide + Chlordiazepoxide
Gliclazide + Chromium पिकॉलिंते
Paracetamol + Lignocaine
अँटिबायोटिक औषधांनाही फटका
आरोग्य मंत्रालयाने काही अँटिबायोटिक संयोजनांवरही बंदी घातली आहे. यामध्ये पुढील संयुगांचा समावेश आहे.
Amoxicillin + Serratiopeptidase
Amoxicillin + Serratiopeptidase + Lactobacillus
Sporogenes Serratiopeptidase
Amoxicillin + Cloxacillin + Lactic Acid Bacillus +
Cefadroxyl + Probenecid
Cefuroxime + Serratiopeptidase
त्वचा निगा आणि डर्मेटोलॉजी उत्पादनांवरही कारवाई
ही बंदी काही स्किनकेअर आणि त्वचारोगांवरील उत्पादनांनाही लागू करण्यात आली आहे. विशेषतः Aloe Vera किंवा Aloe Extract सोबत खालील घटक असलेल्या संयुगांवर बंदी घालण्यात आली आहे:
Vitamin E
Jojoba Oil
Orange Oil
Wheat Germ Oil
Tea Tree Oil
Allantoin
D-Panthenol
सर्वोच्च न्यायालयाच्या निर्देशानंतर देशभरात फिक्स्ड-डोस कॉम्बिनेशन औषधांचे व्यापक पुनरावलोकन करण्यात आले होते. या प्रक्रियेसाठी ड्रग्ज टेक्निकल अॅडव्हायजरी बोर्ड (DTAB) ने तज्ज्ञ समितीची स्थापना केली होती. या समितीला बाजारात उपलब्ध असलेल्या विविध संयुगांचे मूल्यमापन करून अवैज्ञानिक, उपचारदृष्ट्या निष्फळ किंवा संभाव्यतः धोकादायक संयुगे ओळखण्याची जबाबदारी देण्यात आली होती.
कार्यकारी संपादक - श्री. अभिजीत बसुगडे -- जाहिरात व बातम्यांसाठी : +९१ ९८८१४ ००९०२
➤ वाढवा आपला व्यवसाय / वेब पोर्टल्स करिता इथे क्लिक करा.Call :- 9890 546 909.
